Esmira Günəş: Xətrimə dəyən adam

 

Sən mənə gecələr yuxumsan, deyib,

Məni yuxulardan edən adamsan.

Dünyanın yükünü yığıb çiynimə,

Bir anda ömrümdən gedən adamsan.

 

Görmədim həyatda sən tək birini,

Sevirdin saçımın qara telini.

Neynirəm dünyanın gözəllərini,

Mənə sən lazımsan, deyən adamsan.

 

Küsüb baxışlarım, küsüb həyatdan,

Axı nə gözləyim qohumdan, yaddan.

Şirin xəyallardan məni oyadan,

Səhvinlə qəddimi əyən adamsan.

 

Demə gəl barışaq, tutma əlimdən,

O sevgi sözləri çıxmaz dilimdən.

Məni ayrı saldın doğma elimdən,

Sən mənim xətrimə dəyən adamsan.

 

07.01.2025